O aprender non ocupa lugar

Nesta escola de traballo tentaremos aprender ata o mal aprendido o longo dos anos pasados, xa que algúns de nos non deparamos en argalladas varias que e mester aprender como o de compartir cos do teo redor experiencias  a ter en conta. Por moito que a persoa coñeza xamais será dabondo para ir polo camiño da vida, xa que nesta atoparaste con detalles que sen darlle importancia si a teñen. Cantas veces pasamos o carón dunha rosa e non nos decatamos das cores tan espectaculares que ten. A súa enxeñería e tan caprichosa que nos pode engaiolar tanto, por non salientar o seu agradable cheiro. Así pois, ollando o teu redor con xeito, sempre estarás a coñecer outros mundos que estando tan preto de ti, non te decatabas nin que existían

O carón de tres profesionais da paleta e maila cha, os que fan da masa ou o formigón verdadeiras gaioladas,  nós imos tentando facernos con outro xeito de ver cousas novas.

Os primeiros días rompemos e aburatamos paredes 
 con canles para poder pasar o fío, xa que daquelas datas este ía por enriba para que se vira ben. Así que como se de auténticos petos ou paxaros carpinteiros deixamos aquilo case que coma un cribo.

En tempos de solaina recollemos folla dos carballos da praza e espallámola area o redor da mesma, e cando chove facemos o traballo no acondicionamento da escola como o cuarto de baño.

e maila cociña. Cos días o progreso váise vendo e os obrantes vanse decatando das melloras que van xurdindo da ilusión de todos nós

Na mentres, o tempo líxanse e píntase ventas, contras, e mailas portas  para que o noso paso por esta escola, deixe as pegadas de renovación para os posibles seres que podan residir neste fogar.